Þrautir og almenn vitleysa

Líta í gegnum "glerið" á fortjaldinu

2008-07-13T17:26:00.001Z

Líta í gegnum "glerið" á fortjaldinu, originally uploaded by sve2ni.

Ólaf finnst gaman að leika sér í útilegu. Þegar hann komst að því að "rúðan" á fortjaldinu var köld og rök var ekki nokkur leið að fá hann til þess að gera eitthvað annað en að hnoða andlitinu í það.... fannst myndin skemmtileg

Ein með öllu!

2008-06-28T19:28:00.001Z

Ein með öllu!, originally uploaded by sve2ni.

Fyndið að ná mynd einn morguninn að öllum veðurbrigðum sem Íslendingar fá yfir sig á sumrin...

Ef rýnt er í myndina sést vel að það er bálhvasst.... regnboginn gefur tvennt til kynna, bæði sól og rigningu, samt er líka hrikalegt myrkraverk uppi í fjalli og snjór hefur fallið þar...

HDR test

2008-06-26T21:22:00.001Z

HDR test, originally uploaded by r.helgason.

r.helgason á þessa mynd... hún er algjört æði.... vatnið svo flott og litirnir æðislegir........

er að gera gott mót þarna!

Ég á land í Skotlandi, viský til heiðurs!

2008-06-25T14:30:00.002Z

Nú er svo komið að maður er orðinn skoskur landeigandi. Það er nú flottara en margan grunar... Hvað ætli séu margir forríkir hlutabréfakallar sem eiga land í Skotlandi. hmmmmm...

En ég er orðinn góðvinur uppáhalds whiskey tegundarinnar minnar, Laphroaig. Þegar ég gerist góðvinur þeirra, þá merkja þeir mér land á eynni þar sem þessi gullni drykkur er bruggaður. Sjávarseltan er ekta og loftið blandað þangi, seltu og eðal whiskey!.

Semsagt, ég á eitt ferfet rétt rúmlega 30*30 cm.... geri aðrir betur!

Áramótaskaupið 2008

2008-06-24T18:47:00.002Z

Ég er kominn með þetta.... Ísbjörn verður næsti borgarstjóri... alltaf verið að skipta þar hvort eð er... Krónan verðlaus og Gillz og júróvision tekið fyrir... eflaust að berja tómar tunnur sem "glymur" svo hátt í.. Svo verður án efa gert grín að því að það þurfi að slíta meirihlutum í krummaskuðum svo sem Akranesi og í Bolungarvík.... til hvers??

eruð þið með eitthvað annað sem verður notað??????

Þurrkarinn

2008-06-24T12:00:00.001Z

Þurrkarinn, originally uploaded by sve2ni.

Óla fannst voðalega gaman þegar ég lyfti honum upp og setti hann inn í þurrkarann.. Hann hefur ægilega gaman að svona smáhlutum, eins og þvottavél og þurrkara. Það skemmtilegasta sem hann veit, er að horfa á þvottavélina fara í gang.

Hann er alveg æðislegur drengur¨!

Myndagáta nr. 3

2007-12-22T12:47:00.000Z

Þessi einstaklingur er einn af þessum hressu fyrrv. knattspyrnumönnum. Endilega skjótið á þennan mann... ég gef eina vísbendingu

Hann er Evrópubúi... hahaha

Hver er maðurinn? - part II-

2007-12-20T21:43:00.000Z

Leikmaðurinn sem ég spyr um hefur m.a. leikið með Parma, Fiorentina, Lazio og Sampdoria. Hann hefur leikið nokkra landsleiki fyrir Ítalíu og er markanýtingin hans 41%. Það telst nú nokkuð gott.
Hann er fæddur árið 1970, rétt fyrir áramótin. Hann hóf knattspyrnuferilinn sinn árið 1988 og spilar ennþá "competitive" football í heimalandi sínu.

Hann var keyptur til Fiorentina í því augnamiði að styrkja hópinn til þess að Halda Gabriel Omar Batistuta innan liðsins, það gekk þó ekki eftir!

Hver er maðurinn?

2007-12-20T21:21:00.000Z

Maðurinn sem ég leita eftir núna er fæddur árið 1974 í Hammersmith í London. Hann er einnig með nokkuð ítalskt blóð í æðum sínum, sem sést hvað best á nafninu sem maðurinn ber. Hann Hóf sinn atvinnumannaferil árið 1993 hjá Queens Park Rangers og var þar í heil fjögur ár. Hann hefur mestan hluta ferils síns spilað á Englandi. Hann spilaði reyndar aðeins á Ítalíu rétt fyrir aldamótin. Þessi leikmaður sem ég spyr um er ennþá spilandi núna, reyndar ekki í Evrópunni.

Liðið sem hann spilar nú fyrir er mjög ungt að árum, og á hann heiðurinn að því að skora 1. markið þeirra í MLS deildinni!

Hann hefur spilað yfir 300 leiki á ferli sínum sem knattspyrnumaður, og skorað í þeim yfir 70 mörk. Hann á einn U-21 árs landsleik.

hver er maðurinn?

Myndagáta nr. 2

2007-12-19T23:45:00.000Z

Hér er einnig spurt... hver er maðurinn sem hefur greinilega farið afar illa Með Steve Bould og Gilles Grimandi horfir aðdáunaraugum á??

Ef þið ýtið á myndina fáið þið hana stærri!

Myndagáta nr. 1

2007-12-18T18:14:00.000Z

Nú eru byrjaðar aftur, hinar margrómuðu knattspyrnugátur!!!

Þessi í miðjunni er frægur knattspyrnumaður... það eina sem mig vantar er nafn á kauða!

Ég reyndi að hlusta á Sóleyju Tómasdóttur..

2007-12-09T14:00:00.000Z

.. í Silfri Egils núna í dag. Var gífurlega "open minded" þegar ég settist niður og kveikti á sjónvarpinu. En um leið og Sóley sagði eftirfarandi:

"það er ekki tímasóun að ræða um liti á barnafötum á Hinu háa Alþingi. Þingmenn ræða í marga klukkutíma um einhverja vegaspotta úti á landi, er það ekki miklu meiri tímasóun?"

Þá slökkti ég á Silfrinu og fór að vaska upp. Sjóndeildarhringur Sóleyjar er auðvitað bara niður í grautarskálina. Svona ummæli dæma sig að mestu leyti sjálf.

Ástæða fyrir því af hverju Handbolti verður aldrei Íþrótt!!!!

2007-12-08T20:37:00.000Z

Ef svona uppákomur munu endurtaka sig, getur handbolti ALDREI orðið að íþrótt!!!!!

Hérna sést glögglega í leik Quatar gegn Suður Kóreu að dómarar frá Sýrlandi eða Jórdaníu hefur verið mútað til að tryggja Quatar sigur í leiknum. Þýskir dómarar voru settir á leikinn en því var breytt á leikdegi! Fyrir alla þá sem vita hvað snýr upp og niður í handbolta í dag, sjá þeir að dómgæslan er algjörlega út í hött!!

Atvinna í boði

2007-12-04T22:47:00.000Z

Hættum að kyngreina börn við fæðingu

2007-11-29T21:54:00.001Z

Ég var að velta því fyrir mér hvað Vinstri Grænir ætla sér að gera hérna? Er kommúnisminn kominn svona ægilega langt hjá þeim, einskonar Kommúnus Maxímus, að allir fara algjörlega í sama hólfið .... sem kallast FÓLK. Nú ætlar Kolbrún Halldórsdóttir, sem missti tengslin við veruleikann árið 1969, að berjast fyrir því að bleikir og bláir gallar séu ekki við lýði á fæðingardeildum landsins. Það má víst ekki kyngreina börnin við fæðingu, því það steypir þeim í sama mótið og hefur verið. misrétti kynjanna og annað sem því lítur. Nú á að berjast gegn gömlu mýtunum sem hafa kúgað konuna allan þennan tíma.

ERGO: stúlkur sem verða kyngreindar við fæðingu fá lægri laun en strákar þegar þær verða eldri
ERGO: Drengir sem verða kyngreindir við fæðingu fá hærri laun en stúlkur þegar þeir verða eldri

Ljósmóðirin: þú eignaðist barn, til hamingju....
nýbökuð móðir(með smá ekkasogi og tilfinningasúpu): er þetta strákur eða stelpa?
ljósmóðirin aftur(frekar pirruð): SKIPTIR EKKI MÁLI! X-V

En hvernig í andskotanum ætlar þú að breyta því að þú eignaðist annaðhvort stúlku eða dreng. ÞÚ VERÐUR AÐ KYNGREINA BARNIÐ, HVORT SEM ÞÚ GERIR ÞAÐ MEÐ BLÁUM OG BLEIKUM LIT EÐA TYPPI OG PÍKU!!!!!!!!!!!!!!!

Ólafur Kristinn Sveinsson

2007-08-12T18:59:00.000Z

Sonur minn var skírður í dag, hann fékk nafnið Ólafur Kristinn. Afi hans og langafi heita báðir Ólafur. Kristinsnafnið fær hann einnig frá öðrum langafa sínum. Reyndar hét bróðir pabba míns Bjarni Kristinn, svo þetta gæti verið hvaðanæva að. Ólafur Kristinn Steinarsson er svo góður félagi minn héðan frá Akureyri. Þetta hefði ekki getað heppnast betur.

Enn og aftur; fréttamenn og íslensk tunga!

2007-08-07T18:18:00.000Z

Ég er fanatískur pervert á íslenska tungu og hef ægilega gaman að því að leiðrétta fólk ef það fer með málið okkar í áður ófyrirséðar áttir, sem stangast á við reglur málfræðinnar. Ekki það að ég sé sjálfur með reglurnar á kristaltæru, en tel mig þó vera mellufæran á tunguna mína. En hins vegar eru margir sem eru ekki alveg með hlutina á hreinu. Oftar en ekki vinna þessir einstaklingar á alls kyns fjölmiðlum, og starfa við að koma sögum frá sér á skilmerkilegan hátt fyrir okkur almúgafólkið. Það var einhversstaðar verið að tala um stofna Lunda og Ritu, og hve ægilega þessum tegundum hafi fækkað við Íslandsstrendur undanfarin ár. Ég man ekki eftir hvern ég hef þessa setningu en hún hljóðaði svo:

"Ef áfram heldur sem horfir, mun stofninum fækka!"

Ég er ekki fuglafræðingur eða neitt slíkt. Venjan er hins vegar sú, að ég held, að stofn ákveðinnar tegundar er ávallt ein heild og þ.a.l. fækkkar ekki stofninn, heldur fækkar í stofninum eða sem betra er, að stofninn minnkar. Ég held allavega að þetta ætti að vera svona en ekki að stofninum fækki.

En svo er einn útúrsnúningur, sem er samt sem áður ekki útúrsnúningur. Soffía Sveinsdóttir, hinn geysi myndarlegi veðurfréttamaður kom með einn margtugginn "frasa" í veðurfréttum fyrir verzlunarmannahelgina.

"Það er væta í kortunum"

Ég er nú kannski á hálum ís, en ég tel ólíklegt að það skuli talað um vætu í kortunum, kannski gefa kortin til kynna að það rigni þann daginn, en að kortin séu rennvot hjá henni, það held ég ekki. Ef þau væru hundblaut, væri lítið hægt að lesa í kortin!

Óver & Át,
Svenni

Nú skil ég jafnréttisbaráttuna!!!

2007-08-06T22:17:00.000Z

Málið er einfalt. Konur vilja jafnrétti ekki vegna hærri launa, eða stöðuhækkana. Þær vilja að bæði kynin vinni sömu vinnuna heima fyrir vegna þess að það er FÁRÁNLEGA ERFITT AÐ STRAUJA SAMFELLUR!!!

Hver er þessi maður?

2007-08-04T08:49:00.000Z

Ofureinfalt, mig vantar aðeins nafnið á manninum í treyju númer 9

Hvor lýgur

2007-08-02T18:32:00.001Z

Mogginn og fotbolti.net með mismunandi fréttir!

Íslenskt málfar og fréttafólk!

2007-08-01T23:00:00.001Z

Mig undrar oft hvernig fjölmiðlafólk notar okkar ástkæra ylhýra tungumál. Sumir einstaklingar eru oft gjörsamlega úti að aka þegar íslenskukunnátta er annars vegar og þá verða líka fingurbrjótarnir verstir. Lítum á nokkur dæmi:

Einhver snillingur á fréttastofu Stöðvar 2 sagði svona frá: Orkuveita Reykjavíkur ætlar sér að flytja inn 6 nýja metan bíla, og verður þá fjöldi metanknúðra bíla .....

Fegurðardísin sem var áður í Ísland í bítið notaði tvo snilldarfrasa og ákvað að breyta út af vananum, hún talaði um að bretta upp hendurnar, en sá seinni var betri:
"Þetta kom upp í opna skjölduna á mér!" ætli hún hafi verið að tala um skuð?

Einhver erkisnillingurinn í Morgunútvarpinu á Rás 1 tjáði viðmælanda sínum að hennar akkerishæll væri.....

Mér finnst oft sem íslenskir frétta- og fjölmiðlamenn þekki ekki mál sitt nægilega vel. Ég sjálfur er langt í frá alvitur um tungumálið mitt en reyni þó að gera mitt besta til að fara að settum reglum og tala fallegt og kjarnyrt mál. Kannski reyna þau einnig sitt besta, en útkoman er samt sem áður oft æði skrautleg. Kannski er þetta bara rétt smá spurning um að hugsa pínulítið!

Markvarðagáta?

2007-07-25T20:10:00.000Z

Ef þið viljið fá myndirnar stærri, er einfalt mál að "klikka" á þær, þá opnast
þær stærri!

Knattspyrnugáta!

2007-07-23T12:56:00.000Z

Þessi efri er belgi!

þessi neðri er Ciriaco Sforza, EKE sá um það!

Þessir heiðursmenn eru hættir knattspyrnuiðkun, en hvað heita þeir?

Hver er maðurinn?

2007-07-22T19:36:00.000Z

Þessi á að vera nokkuð strembin! Ég gef þrjár myndir, einn einstaklingur er á öllum þessum myndum. Spurt er:

Hver er maðurinn?
Hann var í 41 ár á hliðarlínunni í þýska boltanum!!

Hér er hann með Bodo Ilgner!

Hér sést hann með Bernd Schuster, þjálfara Real Madrid!

Hér er hann ásamt Krassimir Balakov!

Helgargátan #5

2007-07-21T20:38:00.000Z

Þessi blessaða bloggsíða er bara að breytast í gátur og spurningar... ætli þetta endi ekki bara sem eitthvað svoleiðis, ég veit ekki. En spurninganörd er ég alveg klárlega.
En næsta spurning, sem er vonandi erfiðari en þær fyrri, er svhohljóðandi:

Hvaða einstaklingar eru þetta, og hvað eiga þeir sameiginlegt?
1. vísbending : Þetta eru Ítali og Kólumbíumaður!
2. vísbending: sá í svarthvítu er ítalskur rithöfundur, en sá í lit er kólumbískur knattspyrnumaður

Hvaða staður er þetta??

2007-07-20T19:45:00.001Z

Ýta á myndina til að stækka!

Gáta #4 knattspyrnugáta!

2007-07-20T13:53:00.000Z

Stigin eru þannig:

Þórdís Gísladóttir 100kr.-
Iðunn Arnarsdóttir 100kr.-
Sindri Kristjánsson 100kr.-

Nú þarf að nafngreina alla þessa fjóra knattspyrnumenn! Smellið á myndina til að stækka hana!

Það verður einungis gefið "rétt" eða "rangt" svar, þ.e.a.s. þið fáið ekki að vita frá mér ef þið eruð með tvo eða þrjá kalla rétta, höfum það á hreinu!

Gáta #3

2007-07-20T00:46:00.000Z

Þá er það spurning #3 (þarf að fara að hafa þær erfiðari)

Hver er þessi blessaði maður?
Myndin ætti að vera næg vísbending

Nú munu öfgafemmar ráðast á mig....

2007-07-19T18:23:00.000Z

Varð fyrir alveg svakalegu óláni, að vera ósammála Sóleyju Tómas á blogginu hennar, nú mun holskefla þeirra láta mig heyra það.... er lagstur í hýði!!

Stebbifr hittir naglann á höfuðið

2007-07-19T17:03:00.001Z

Stefán Friðrik Stefánsson hittir svo sannarlega naglann á höfuðið í seinasta pistli sínum. Ég ætla að taka mér bessaleyfi og birta hann hér á blogginu mínu. Vonandi er það í lagi Stebbifr.

Innihaldsríkt blogg vekur alltaf mesta lukku
[...]Sumir hafa þann stíl að skrifa undir nafnleynd, þó að mun fleiri leggi nafn sitt við skrifin. Sjálfum finnst mér nafnlaust blogg ekkert spes, enda er mesti sjarminn við blogg að heyra skoðanir þeirra sem tala hreint út og gera það heiðarlega með nafninu sínu.

[...]

Ég hef bloggað í fimm ár, finnst það stundum styttra. Það eru ekkert svo margir enn virkir í bloggheimum sem eru eftir frá því fyrir þann tíma. Hef alla tíð haft rosalega gaman af þessu. Fyrst var þetta bara prívatblogg, eða mér fannst það, svo vatt þetta upp á sig. Ég skrifa alltaf þannig að þar kemur fram sem er í hausnum á mér. Það er heilladrýgst, enda sést fljótt hvort að fólk skrifar af innlifun og áhuga um mál eða er að gera það að skyldurækni á öðrum forsendum en af áhuga. Fyrst fannst mér svolítið fjarstæðukennt að blogga, en ég fann minn takt og er sáttur við hann. Þetta er fyrir löngu orðinn veigamikill partur daglega lífsins.

Ég hef lesið ótrúlega mörg blogg um dagana, rúnturinn í gegnum daginn er alltaf langur. Mislangur samt, stundum sér maður ekkert sérstök blogg, sumir vekja þó alltaf meiri athygli. Ég hef aldrei litið á mig sem í samkeppni við einn né neinn. Ég segi bara það sem mér finnst mikilvægt að tjá mig um, það er alltaf gott að fá málefnaleg komment og skemmtilegt spjall út úr því. Þetta er mannlífstjáning dagsins í dag. Ég er fyrir löngu hættur að skrifa greinar í blöð, hef miklu meira gaman af þessu.

En þessi frétt segir okkur kannski mikið um hvernig blogg eru sígildust og halda best velli í gegnum allt flóðið. Það er segin saga að innihaldsríkustu bloggin halda mest velli, þau sem eru skrifuð af sönnum áhuga og krafti. Það er bara mjög einfalt mál.

Hvað er það fyrsta sem ykkur dettur í hug?

2007-07-19T15:04:00.000Z

Lúkas lifir!
Geri mér fulla grein fyrir því að þetta er skitinn aulahúmor, en "damn it" hvað hann er fyndinn!!!

Gáta dagsins.

2007-07-19T09:40:00.001Z

Þetta ku vera spurning #2

Hver er þessi maður?

Það að verða pabbi.......

2007-07-18T22:03:00.000Z

.... er það yndislegasta sem hefur komið fyrir mig á minni stuttu ævi!!!! Nú lifir maður bara fyrir þessa litla veru, vill allt fyrir það gera og stekkur til, hvenær sem er sólarhringsins, til að þóknast þessari elsku..

Hægt er að komast inn á heimasíðu stráksins ef þú ýtir á þetta letur hérna!!!!

Lykilorð fæst í sve2ni@gmail.com

RVK síðdegis á Bylgjunni, er ekki allt í lagi??

2007-07-18T18:22:00.000Z

Ég er gjörsamlega kominn með upp í kok af Lúkasarmálinu. Þátturinn Reykjavík síðdegis, á Bylgjunni var í símasambandi við meintan "morðingja" Lúkasar. Það er svo sem allt í lagi en einn þáttastjórnandinn komst svona að orði:

" Þannig að það hefur verið sannað að þú hefur verið fjarri góðu gamni!"

Ég velti því fyrir mér hvort það hefur verið "gott gaman" að troða hundi í tösku og sparka ????????????

Herbert Von Karajan og 5. sinfónían

2007-07-18T13:49:00.001Z

Herbert Von Karajan er án efa einn af bestu og mestu hljómsveitarstjórum 20. aldarinnar. Hann fæddist í Austurríki árið 1908 og lést árið 1989.

Nú skulið þið gleyma amstri dagsins, setjast niður og leyfa 5. sinfóníu Beethovens að fylla skilningarvit ykkar. Karajan stýrir þessu meistaralega.

Fyrir þá sem vilja fræðast um Karajan Hljómsveitarstjóra, smellið HÉR

Ákall til Fréttastofu Stöðvar 2.

2007-07-18T12:49:00.000Z

Ég gerðist svo frægur að setjast niður og horfa á hádegisfréttir Stöðvar 2. Heimir Már Pétursson las fréttir og gerði það svo sem ágætlega, en af hverju í andskotanum var hann jórtrandi á tyggigúmmíi í útsendingu. Er ekki allt með fulde fem hjá fréttastofunni.

TF-SIF - Íþróttafélagið Þór - Hundur

2007-07-17T19:37:00.001Z

Sif fór í sjóinn. Vonandi verðrur seltan þrifin af henni og hún send í Flugsafn Íslands hérna á Akureyri, annað yrði fásinna. Flugsafnið er það eina rétta fyrir þyrluna.

Vörubíll fór í sjóinn í Kópavogi, já ég er ekki að djóka, þeir þykjast vilja eiga höfn. Held það sé orðið eitthvað trend að keyra í sjóinn. Vörubíll í Eyjafjarðarsveit fór í Eyjafjarðaránna um daginn. Sif fór í sjóinn í gær.

Aðalfundur Þórs sýndi óánægju sína í verki, þegar hann felldi samning. sem undirritaður var milli Akureyrarbæjar og aðalstjórnar Þórs um daginn. Samningurinn var um stórbætur á félagsaðstöðu Þórs við Hamar. Aðalfundurinn felldi samninginn.
Stjórn Þórs er særð að mínu viti, var búin að leggja í vinnu og samþykkja en hinn óbreytti félagsmaður slær það út af borðinu. Hinn almenni Þórsari vill ekki frjálsar íþróttir á svæðið. Ákveðið vantraust á stjórnina sem aðalfundarmenn sýna? Ég get ekki betur séð!

Lúkas er fundinn........ (no comment)

Gáta dagsins.

2007-07-17T11:07:00.000Z

Nú er komið að hinum sívinsæla lið þessa bloggs, gátu dagsins. Þetta er fyrsta gátan af tíu og sá sem svarar spurningu rétt fær 100kr í verðlaun. Ef sá hinn sami svarar öllum tíu spurningunum rétt(sem munu birtast með jöfnu milli bili fram til loka Júlí) hefur hann unnið sér inn heilar eitt þúsund krónur

Nú er komið að 1. gátunni:

1. Hvað höfum við sem Adam og Eva höfðu ekki?

Þess má til gamans geta að þetta er ekki rétt mynd af hjónaleysunum?

Íslensk Getspá tekur Íslendinga í rassgatið!

2007-07-15T23:24:00.000Z

Íslensk Getspá er gjörsamlega að taka íslenska getspaka einstaklinga í þurrt rassgatið. Leikur Argentínu og Brasilíu í S-Ameríkukeppninni nú í kvöld endaði með sigri Brasilíumanna, nokkuð örugglega, 3-0. Þeir Íslendingar sem tippuðu á sigur Brasilíumanna í gegnum Lengjuna 1x2 hugsa sér eflaust gott til glóðarinnar því stuðullinn fyrir sigri brassanna var 2,45.

Stuðullinn á sigur Brasilíumanna, hjá öllum erlendum veðmálasíðum er aldrei nokkur staðar undir 4,3. Nú er ég búinn að fara í gegnum mjög margar síður á netinu og finnst mér þetta vera ákveðið "buttfuck" hjá íslenskri getspá. Munurinn er nærri 100% og er það fáránlega hátt.

Á síðunni www.pokerhills.com var stuðullinn 4,7. Nú skulum við reikna.
Lengjan: 5.000kr.- x 2.45 = 12.250 kr.-
Pokerhills: 5.000kr.- x 4.7 = 23.500 kr.-

Íslensk Getspá verður að bjóða Íslendingum sömu kjör og aðrið veðbankar erlendis gera!

2007-07-15T20:14:00.000Z

Ég er að velta því fyrir mér hvernig tæplega 5 kílóa líkami geti gefið frá sér svona ægilega lykt. Ef ég myndi gefa jafn mikið frá mér af úrgangsefnum hlutfallslega. myndi ég stífla skolplagnir alls staðar á landinu. Drengurinn minn er ýkt duglegur!!!

BESTA BAND Í HEIMI............

2007-07-14T18:01:00.001Z

Ef einhver einstaklingur efast um snilld þessa bands, má hann hundur heita. Sviðsframkoma þessa manna er með hreinum ólíkindum......

Hurra torpedo

Add to My Profile | More Videos

Engrish.com

2007-07-14T17:05:00.001Z

Snilldarsíðan www.engrish.com er "möst sí" eins og einhver slangrarinn myndi segja. Þegar asíubúar (aðallega) slá um sig með enskum texta þá er oft voðinn vís. Oft eru líka hinar ýmsustu setningar látnar standa með öðru letri, sem eru vart skiljanlegar og "meika ekki sens" eins og aðrið slangarar myndu segja.

Hér er gott dæmi:

Google Reader

2007-07-14T15:47:00.000Z

Google reader er tæki sem ég var að kynnast núna fyrir þrem dögum síðan. Þetta er algjör snilld fyrir blogglesanda eins og mig. Ég er fastagestur inni á um 10-15 bloggsíðum íslenskra bloggara og fylgist með hvað þeir hafa að segja. Google reader er eins konar RSS söfnun fyrir mig og sýnir mér hvar nýjar færslur er að finna á auðveldan og þægilegan máta. Google reader hjálpar mér gríðarlega, og í stað þess að taka "bloggrúntinn" frá einni síðu til annarar, eru allar síðurnar á einum stað. Þetta tæki hefur eflaust verið til í mörg ár og allir eflaust löngu búnir að tileinka sér þessa tækni, en ég er gjörsamlega að finna hjólið hérna. Tækninýjungar eru lengi að berast hingað á Svalbarðseyrina ;)

Moggafréttamenn eru ferskir fiskar.

2007-07-14T13:57:00.000Z

Fréttamenn Morgunblaðsins eru, að mínu mati, komnir yfir öll velsæmismörk hvað varðar íslenskt mál. Fréttasnáparnir eru á launum við það að skrifa fréttir fyrir íslenskan almúga og eiga að sjá sóma sinn í vandvirkni og fágun, þá sérstaklega ef um fyrirsagnir er að ræða. Það að lögreglumenn "vonist" eftir fullum fangageymslum er auðvitað fásinna. Lögreglumenn vilja helst sem minnst hafa að gera, líkt og sjúkraflutningamenn og slökkviliðsmenn.

Vanda sig drengir, ég bið ekki um annað.

Vala Matt og íslensk sjónvarpsmenning

2007-07-13T10:22:00.001Z

Strákurinn minn hefur verið einstaklega ljúfur þessa fyrstu 12 daga ævi sinnar. Hann drekkur með reglulegu millibili, og sefur með reglulegu millibili í mjög svo reglulegan tíma, eða í um 3 og 1/2 klst í senn. Það hefur í rauninni gert það að verkum að ég er farinn að horfa á sjónvarp. Ég get nú ekki alveg orða bundist um þáttinn "lífstíll og matur" sem sýndur var í gærkveldi.

Í þessum þáttum bjóða þekktir Íslendingar engri annari en Valgerði Matthíasdóttur, a.k.a. Völu MATT, í matarboð til sín. Þar ræðir Vala af sinni alkunnu snilld, um akkurat ekki neitt í u.þ.b. 30 mínútur. Valgerður Matthíasdóttir er gjörsamlega laus við alla hæfileika til að vera sjónvarpskona, því það sem hún fæst við hverju sinni, býður upp á það eitt að nota falleg orð. Lítum á dæmi....

"Guð hvað þetta er lekkert"
"Ægilega er þetta elegant"
"JÁ, en SNIÐUGT, já,já,já,já,já,já!"
"Já, guð hvað þetta lítur vel út"
"Já en sniðugt, svona litríkar pönnukökur"
"æðislega fallegir litir" (blár, bleikur og grænn)
"Æi, Ragga, þetta er svo agalega mikið þú"

Í þættinum í gær var hún í heimboði hjá Röggu Gísla, söngkonu með meiru. Umræðuefni þáttarins var ekkert í rauninni, bara að þær væru að elda fisk saman. Ég leyfi mér að efast um greind samlanda minna, ef þessi þáttur nýtur einhverra vinsælda hér á landi. Ég hefði frekar viljað horfa á þrjá miðaldra karlmenn í sápuglímu.

Hvenær ætlar íslensk sjónvarps"menning" að átta sig á þeirri staðreynd, að Vala Matt hefur akkurat ekkert fram að færa?

Mikið er þetta skrýtið!!

2007-07-12T20:49:00.000Z

"Af hverju ertu að hætta á moggablogginu?" er spurning sem ég er búinn að fá nokkrum sinnum í dag. Ég hef reynt að setja þetta í samanburð við Selfoss.
"Þú vilt ekki búa á Selfossi, samfélag sem þú vilt ekki tilheyra" þá fatta sumir.. aðrir ekki.

"Já, en þú hlýtur að missa lesendur" er svar sem ég fæ til baka....
Lesendur sem eru bara lesendur af því að þeir rekast inn geta rekist inn á einhvern annan froðusnakkinn á mogganum. Það eru ekki rök. hér er ég í dag.

"So you think you can dance!" er skrýtinn þáttur, fólk dansar og einhver segir já eða nei eða þú gafst ekki nóg í þetta og svo fá Ameríkanar að dæma hver fer út.... ég er búinn að fá nóg af keppnum og raunveruleikadóti í sjónvarpi. Hvar er "maður er nefndur" þegar maður þarf áhonum að halda.

Svenni kveður... þótt það séu bara þrír að lesaþ

GAMANGAMAN

2007-07-12T18:59:00.000Z

Þvílík Ánægja....

Þvílík Skemmtun.....

Var í þessum töluðu orðum að skipta á kúkableyju......

Pólskur Nauðgari og dómstóll götunnar.

2007-07-12T15:28:00.000Z

Mikið hefur verið rætt og ritað um sýknudóm ungs Pólverja sem sagður var hafa nauðgað ungri konu á hóteli í Reykjavík. Bloggarar Íslands hafa farið mikinn og viljað hengja þennan unga pólska dreng án dóms og laga, setja hann í gapastokk á Ingólfstorgi og ég veit ekki hvað og hvað. Dómstóll götunnar er sá harðasti sem um getur og óvæginn svo ekki sé meira sagt. Þessi dómstóll gengur ekki að því vísu að einstaklingur sé saklaus uns sekt hans sé sönnuð. Sannanir fyrir því að gerandi sé brotlegur eru aukaatriði, og blóðþyrstum almúganum er í þessu tilviki nákvæmlega sama um sanngjarnt réttarfar að mínu viti.

Þegar dæma á einstakling fyrir brot sem hann hefur framið verða nokkur atriði að vera á hreinu. Sá ákærði verður að fá sanngjarna málsmeðferð og þurfa réttarhöld að vera samkvæmt alþjóðlegum lögum. Ásetningur er mjög mikilvægt atriði þegar kemur að refsirétti. M.ö.o. að ef ekki er hægt að sanna skýlausan ásetning geranda, er erfitt að sakefella mann fyrir brot. Eitt það mikilvægasta atriði sem hægt er að hafa að leiðarljósi, er sú staðreynd, að öll vafaatriði falla sakborningi í hag. Ef vafi leikur á atburðarás er ekki hægt að sakfella ákærða á þeim gögnum.

Þessi ungi pólski drengur hafði gróf mök við konu á hóteli í Reykjavík. Þegar þessi kona grýtti honum frá sér, hætti drengurinn öllum mökum samstundis. Fyrr hafði konan ekki gert neitt til að bægja drengnum af sér og úr leggöngum sínum.

Eftir þessu að dæma hefur þessi pólski ungi maður ekki viljað að ásetningi nauðga íslensku konunni. Því er ekki hægt að sakfella manninn. Spurningamerkin sem eftir standa þegar öll málsgögn eru höfð fyrir framan mann, eru allt of mörg til sakfellingar að mínum dómi.

Ég velti því fyrir mér hvort íslenskir bloggarar fyllist enn meiri reiði en gengur og gerist, vegna þess að sá er borinn er sökum, er pólskur? Eða er feminísk sveifla svo sterk nú til dags að menn reiðist eingöngu vegna þess að "konan tapaði"? Þetta eru aðeins spurningar sem ég velti fyrir mér, engir sleggjudómar út í loftið.

Vangaveltur um íslenskt mál...

2007-07-12T14:54:00.000Z

Ég hef lengi verið pervert fyrir íslenska tungumálinu. Nokkuð mörg orð eru samt þess eðlis að mér vefst tunga um tönn, þegar á að fara að nota þau í töluðu og skrifuðu máli. Móðir mín sagði við mig um daginn;
"Sveinn, þér er ekki sjálfrátt" spurningin sem þveraði höfuð mitt var þessi: "er ég þá ósjálfráður?".

Ef einhver er óþekkur, þá er hann ekki þekkur, þ.e.a.s. sýnir af sér engan þokka? (er þetta rétt skilið hjá mér?) eða er það þannig að ef barn er óþekkt, þá er það ekki þekkt... s.s. ekki frægur?

Getur einhver íslenskumælandi maður lagað þetta til fyrir mig.

Drauma úrslitaleikur

2007-07-12T14:21:00.000Z

Brasilíumenn unnu Úrugvæja sannfærandi. Argentínumenn unnu Mexíkóa allt að því sannfærandi. Draumaúrslitaleikur í "Copa America". Brasilía og Argentínumenn munu leiða saman hesta sína í sannkölluðum stórleik. Af hverju tala menn samt ennþá um að "leiða saman hesta sína" ef rætt er um kappleiki hverskonar? Það er svo sem skiljanlegt, íslensk tunga býr yfir hellingum af líkingum.

Messi og Teves og Riquelme á móti Wagner Love, Robinho og Gilberto... Spái Argentínu sigri....

Aftur á byrjunarreit að ég held

2007-07-12T13:25:00.000Z

Nú hefur Sveinn Arnarsson tekið þá ákvörðun að koma aftur heim á djöfulsins röflið sitt. Þar sem hann var áður til húsa.....

Hver vegur að heiman, er vegurinn heim sagði einhver....